नेम्वाङको नाममा केन्द्रीय प्रतिष्ठान निर्माण गर्ने प्रधानमन्त्री ओलीको घोषणा

काठमाडौं, प्रधानमन्त्री एवं नेकपा (एमाले) का अध्यक्ष केपी शर्मा ओलीले स्वर्गीय नेता सुवासचन्द्र नेम्वाङको नाममा प्रतिष्ठान बनाउने उद्घोष गरेका छन् । बुधबार पार्टी कार्यालयमा स्वर्गीय सुवासचन्द्र नेम्वाङको प्रथम वार्षिक स्मृति सभालाई सम्बोधन गर्दै उनले नेम्वाङको स्मृतिलाई ताजा राख्न र उनका आदर्शहरुलाई पछ्याउन प्रतिष्ठान आवश्यक रहेको बताएका हुन् ।

नेताहरुको नाममा खोलिएको प्रतिष्ठान उनीहरुको आशर्द, विचार, उनीहरुले हिडेको बाटो, आचरण, व्यबहारअनुरुप चल्नुपर्ने उनले जिकिर गरेका छन् ।

उनले भने,’उहाँको स्मृतिलाई ताजा राख्नका लागि र उहाँको सम्झनामा, उहाँका आदर्शहरुलाई पछ्याएर कामहरु गरिरहनका लागि हामी सुवाचन्द्रजीका नाममा केन्द्रीय प्रतिष्ठान निर्माण गर्छौं भन्ने घोषणा गर्न चाहन्छु ।’