राष्ट्रपति पौडेलले बहिनीहरुको हातबाट लगाए भाइटीका

राष्ट्रपति रामचन्द्र पौडेलले बहिनीहरुको हातबाट भाइटीका लगाएका छन् । राष्ट्रपति पौडेललाई विहान १० बजेर ५१ मिनेटको शुभसाइतमै बहिनीहरु शारदा पौडेल र चन्दा ओझाले भाइटीका लगाइदिएका हुन् ।नेपाल पञ्चांग निर्णायक समितिले यस वर्षको भाइटीकाको उत्तम साइत बुधबार बिहान १० बजेर ५१ मिनेटका लागि तय गरेको थियो ।आज दिनभर नै टीका लगाउन सकिने समितिले जनाएको छ ।