उर्लाबारीमा तुलबहादुरको घरमा आगलागी

उर्लाबारी, कात्तिक २८- मोरङको उर्लाबारी –२ कटहरेमा सोमबार राति आगलागि भएको छ । राति साढे ११ बजे स्थानीय तुलबहादुर महतको घरमा आगलागी भएको हो ।इलाका प्रहरी कार्यालय उर्लावारीका प्रहरी निरीक्षक देवेन्द्र दासका अनुसार महतको भान्साघरसहित २ वटा बाख्रा जलेर नष्ट भएका छन् । त्यस्तै आगलागीबाट भकारीको धान जलेर नष्ट भएको छ भने गोठको गाई जलेर गम्भीर घाइते भएको छ ।आगलागीबाट २ लाख बरावरको क्षति भएको छ ।

भान्सामा अचानक आगोको मुस्लो देखेपछि नियन्त्रण गर्ने क्रममा ग्यासको सिलिन्डर समेत विष्फोट भएको थियो ।उर्लाबारी र पथरीशनिश्चरे नगरपालिकाका दमकल, नेपाल प्रहरी, सशस्त्र प्रहरी, स्थानीय जनप्रतिनिधिलगायतको प्रयासमा करिब १ घण्टापछि आगो नियन्त्रण लिइएको वडा नम्वर २ का वडाध्यक्ष राजनकुमार कँडेलले बताउनुभयो ।