मनाङ एयरको हेलिकप्टर दुर्घटनामा घाइते भएका पाइलट प्रकाश सेढाईंको निधन

सोलुखुम्बुमा मनाङ एयरको हेलिकप्टर दुर्घटनामा घाइते भएका पाइलट क्याप्टेन प्रकाश सेढाईंको निधन भएको छ ।

उनले चलाएको हेलिकोप्टर गत असोज २७ गते सोलुखुम्बुमा दुर्घटना भएको थियो । दुर्घटनामा परी पाइलट सेढाईं घाइते भएका थिए । दुर्घटनामा अरु कुनै मानवीय क्षति भने भएको थिएन ।

उनलाई तत्काल उपचारका लागि काठमाडौंको ह्याप्स हस्पताल ल्याइएको थियो तर यहाँ उपचार हुन नसकेपछि थप उपचारका लागि मुम्बई लगिएको थियो ।

उनको भारतको नेसनल बर्न सेन्टर मुम्बईमा उपचारका क्रममा हिजो निधन भएको वायु सेवा सञ्चालक संघका प्रवक्ता योगराज कडेलले जानकारी दिए ।