पशुपतिमा जनैपूर्णिमा र रक्षाबन्धनको दिन

आज जनैपूर्णिमा पर्व मनाईंदैछ ।

विशेष रुपले मन्त्रिएको डोरो बाँधेर र नयाँ जनै धारण गरेर आज जनैपूर्णिमा पर्व मनाईंदैछ । आजको दिन बिहान नुहाइधुवाइ गरी मान्यजन र गुरु पुरोहितबाट हातमा डोरो (रक्षाबन्धन/रक्षासूत्र) बाँध्ने र जनै लगाउने प्रचलन छ ।

जनैपूणिर्माको दिन बिहानै चोखो माटो, खरानी, गोबर, जौ, तिल र कुश प्रयोग गरी स्नान गर्ने चलन छ । स्नान गरेपछि नयाँ जनै लगाउने गरिन्छ ।

यसैबीच आज बिहानैदेखि काठमाडौंको पशुपतिमा जनैपूर्णिमाको अवसरमा बटुकहरुले विधिपूर्वक जनै लगाउने र रक्षासूत्र धारण गरिरहेका छन् ।