ललिता निवास प्रकरणमा एक सय ४३ रोपनी जग्गा सरकारी जमिन हिनामिना
नेपाल प्रहरीको केन्द्रीय अनुसन्धान ब्युरोले ललिता निवास प्रकरणमा एक सय ४३ रोपनी सरकारी जग्गा हिनामिना भएको बताएको छ ।
आज (बुधबार) पत्रकार सम्मेलन गर्दै व्युरोले उक्त प्रकरणमा अहिलेसम्म चार जनालाई पक्राउ गरी अनुसन्धान भइरहेको र बाँकी आरोपितहरु पनि छिट्टै पक्राउ पर्ने बताएको छ ।
उक्त प्रकरणमा पक्राउ पर्नेहरुमा भाटभटेनी सुपरमार्केटका सञ्चालक मिन बहादुर गुरुङ, तत्कालीन मालपोत अधिकृत धर्म प्रसाद गौतम, मालपोत कर्मचारी गोपाल गौतम र भक्तपुरका मालपोत अधिकृत सुधीर साह रहेका छन् ।
ललिता निवास प्रकरणमा सरकारी किर्ते भएकाले मुलुकी ऐन २०२० अनुसार हदम्याद नरहने अर्थात अनुसन्धानका लागि असीमित हदम्याद रहेको सिआईबीले जनाएको छ । पक्राउ परेका गुरुङको नाममा २९ रोपनी जग्गा फेला परेको सिआईबीले बताएको छ ।
प्रतिकृया दिनुहोस्