वानएक्स बेटमा कलाकार राजु पौडेल ( राजु मास्टर)सहित ८ जना पक्राउ
वानएक्स बेटमा पक्राउ परेका आठ जनालाई प्रहरीले सार्वजनिक गरेको छ।प्रतिबन्धित अनलाइन वेटिङ एप ‘वानएक्स बेट’मा सट्टेबाजी र त्यसको विज्ञापन गरेको आरोपमा नेपालका चर्चित कलाकारसहित आठ जना पक्राउ परेका छन् ।
प्रहरीको उपत्यका अपराध अनुसन्धान कार्यालयको टोलीले कलाकार ‘बल्छी धुर्वे’ नामले चर्चित कलाकार मरिचमान श्रेष्ठ, राजु मास्टरले चिनिएका राजु पौडेल, म्याकुरी नामले चिनिएका पवन खतिवडालगायतलाई पक्राउ गरेकाे हाे ।
उनीहरूसँगै अलिस राई, जलन घर्तिमगर, गणेश देवकोटा, ढुेडु बुढोले चिनिएका सरोज घिमिरे, भटभटे माइलाको नामले चिनिएका बेगम नेपाली पनि पक्राउ परेका छन् ।
उनीहरूले अवैध ‘वानएक्स बेट’ खेल्न प्रोत्साहन गर्ने उद्देश्यले विज्ञापन प्रशारण गर्नेदेखि अभिनयसमेत गरेको खुलेको छ । प्रहरीले बुधबार वानएक्स बेट सञ्चानल गर्ने दिनेश खड्कासहित पाँच जनालाई प्रकाउ गरेको थियो । सोही अप्रेशनको निरन्तरता दिँदै प्रहरीले कलाकारलाई समेत पक्राउ गरेको हो ।
प्रतिकृया दिनुहोस्