नेपालमा थप १५ जनामा कोरोना संक्रमण, ८ जना डिस्चार्ज

काठमाडौं, नेपालमा थप १५ जनामा कोरोना संक्रमण पुष्टि भएको छ । गत २४ घन्टामा देशभरबाट १५४८ नमूना परीक्षण गर्दा १५ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार पीसीआर विधिबाट ८८७ र एन्टिजेनबाट ६६१ नमूनाको परीक्षण गर्दा पीसीआरबाट १५ नमूनाको रिपोर्ट पोजिटिभ आएको हो ।

यसैगरी थप ८ जना कोरोनामुक्त भएका छन् । हाल देशभर सक्रिय कोरोना संक्रमितको संख्या ५७७ रहेको छ ।