December 9, 2023, Saturday
२०८० मंसिर २३, शनिबार

कैदीबन्दीले कारागारबाटै मतदान गर्न पाउने

काठमाडौं, यहीँ मङ्सिर ४ मा हुने प्रदेश र प्रतिनिधिसभा निर्वाचनमा बैतडीका मतदाता नामावलीमा नाम भएका कैदीबन्दीले कारागारबाटै मतदान गर्न पाउने भएका छन् ।

जिल्ला निर्वाचन अधिकारी माधवप्रसाद फुँयालका अनुसार कैदीबन्दीका लागि कारागारमै अस्थायी मतदान केन्द्र तोकिएको हो । उक्त मतदान केन्द्रबाट कैदीबन्दीका साथै र चुनावमा नखटिने सुरक्षाकर्मी तथा निजामती कर्मचारीले मतदान गर्न पाउनेछन् ।

यसैगरी बैतडीमा पाँच कैदीबन्दीसहित करिब आठ सय अस्थायी मतदाता छन् । निर्वाचनमा खटिने कर्मचारी, सुरक्षाकर्मीले भने सम्बन्धित मतदान केन्द्रबाटै मतदान गर्न पाउने जिल्ला निर्वाचन कार्यालय बैतडीले जनाएको छ ।

यस्तै कैदीबन्दी, सुरक्षाकर्मी र निजामती कर्मचारीले प्रतिनिधिसभा सदस्यको समानुपातिकतर्फ मात्र मत दिन पाउनेछन् । जिल्लाभरि एक सय २९ मतदानस्थल र दुई सय १० मतदान केन्द्र छन् ।

शीर्ष समाचार

धेरै पढिएको