कुमारी आमा निहारिका भोलिबाट पुनः आमरण अनसन बस्दै
काठमाडौं, महोत्तरीकी कुमारी आमा निहारिका राजपुतले फेरि आमरण अनसन बस्ने घोषणा गरेकी छिन् । बिहिवार आज (बिहीबार) रिपोर्टर्स क्लब नेपालमा पत्रकार सम्मेलन गर्दै यस्तो बताएकी हुन् ।
यसअघि गृहमन्त्रालयसँग गरेको ५ बुँदे सहमति कार्यान्वयन गर्न दबाब दिन र आफ्नो माग पूरा नभएसम्म अनसन नतोड्ने उनले चेतावनी दिएकी छिन् ।
उनले भनिन्, ‘मन्त्रालयले मलाई झुटो आश्वासन दिएर अनसन तोड्न लगायो, भोलिदेखि सिंहदरबार अगाडी बच्चा लिएर आमरण अनसन फेरी सुरु गर्दैछु । कि त कुमारी आमालाई गरि खान दिन पर्यो कि त सरकारले मारिदिओस् ।’
प्रतिकृया दिनुहोस्