February 1, 2023, Wednesday
२०७९ माघ १९, बिहीबार

सहि सूचना प्रवाह गर्न नसक्दा मतदाता प्रभावित हुनसक्ने

file photo

काठमाडौं, सभामुख अग्निप्रसाद सापकोटाले निर्वाचनका समयमा सहि सूचना प्रवाह गर्न नसक्दा मतदाता प्रभावित हुनसक्ने बताएका छन् ।

सोमबार राष्ट्रिय सूचना आयोगले काठमाडौंमा आयोजना गरेको ‘निर्वाचनका समयमा सही सूचना प्रवाह’सम्बन्धी अन्तक्र्रियाको उद्घाटन गर्दै उनले सत्यतथ्य सूचना सम्प्रेषण गर्ने सञ्चारमाध्यमको दायित्व अझ बढेर गएको बताएका हुन् ।

उनले भने, “आगामी वैशाख ३० गते हुने स्थानीय तह निर्वाचन देशको महान् उत्सव हो, निर्वाचनमा हामी सबै जवाफदेही र निष्ठापूर्वक इमान्दार भएर लाग्नुपर्छ ।”

यसैगरी सूचनाको प्रभाव व्यापक ढङ्गले पर्र्दै आएको विश्वव्यापी उदाहरण दिँदै उहाँले सही सूचना जनतासमक्ष जति पुर्‍याउन सकियो त्यति नै जनता बलियो हुने बताए । उनले अझै पनि केही राजनीतिक शक्ति निर्वाचनको प्रक्रियामा सहभागी हुन चाहिरहेको अवस्था देखिएकोले त्यस्ता शक्तिलाई निर्वाचनमा ल्याउन अधिकतम प्रयत्न गर्नुपर्ने बताए ।

शीर्ष समाचार

धेरै पढिएको