६ महिनामै भारतबाट झन्डै दुई अर्बको प्याज आयात

काठमाडौं, चालू आर्थिक वर्ष २०७८-७९ को ६ महिनामा भारतबाट झन्डै दुई अर्बको प्याज आयात भएको छ । भन्सार विभागकाअ अनुसार यो वर्षको साउनदेखि पुससम्ममा भारतबाट उक्त मूल्यको प्याज भित्रिएको हो ।

सोही अवधिमा भारतबाट ८ करोड २ लाख ८२ हजार किलो प्याज आयात भएको हो । यसबापत आयातकर्ताले २६ करोड ६२ लाख रुपैयाँ भन्सार राजश्व संकलन भएको छ । यसैगरी प्रत्येक वर्ष नेपालले भारतबाट अर्बौ रुपैयाँको खाद्यान्न आयात गर्दै आएको छ ।