January 18, 2022, Tuesday
२०७८ माघ ५, बुधबार

एक वर्षदेखि बन्द स्मार्ट लाइसेन्स छपाइ फेरि सुरु

काठमाडौं, कार्ड नभएकाले एक वर्षदेखि छपाइ बन्द रहेकोमा यातायात व्यवस्था विभागले हाल सवारी चालक अनुमतिपत्र (स्मार्ट लाइसेन्स) छपाइ सुरु गरेको छ ।

फ्रान्सबाट १४ लाख प्रति कार्ड आएपछि छपाइ सुरु गरिएको हो । मङ्गलबारबाट भौतिक पूर्वाधार तथा यातायातमन्त्री रेनुकुमारी यादवको सहभागीतामा लाइसेन्स छपाइ सुरु गरिएको विभागले जनाएको छ ।

यसैगरी विभागका अनुसार तीन सिफ्टमा दैनिक सातदेखि १० हजार प्रति कार्ड छाप्ने छ भने एक महिनाभित्रै लाइसेन्स दिने व्यवस्था मिलाइएको छ ।

विभागका प्रवक्ता डा लोकनाथ भुसालले सञ्चारमाध्यमसँग भने, “बाँकी रहेका लाइसेन्सलाई पहिलो प्राथमिकता दिएर छपाइ हुनेछ । आवेदन दिएकामध्ये २५र३० प्रतिशतले ट्रायल पास गर्छन् । अब थप सात लाख प्रति लाइसेन्स आए पनि सेवा दिन सकिन्छ ।”

शीर्ष समाचार

धेरै पढिएको