चीनमा भेटियो पूर्ण रूपमा संरक्षित डायनासोरको भ्रूण

बेइजिङ, कुखुराको जस्तै अण्डाबाट बच्चा निस्कने तयारीमा रहेको पूर्ण रूपमा संरक्षित डायनासोरको भ्रूण फेला परेको वैज्ञानिकहरूले घोषणा गरेका छन् । उक्त भ्रूण दक्षिणी चीनको गान्झाउमा फेला परेको थियो भने अनुसन्धानकर्ताहरूले उक्त भ्रुम कम्तिमा ६ करोड ६० लाख वर्ष पुरानो भएको अनुमान गरेका छन् ।

अन्तर्राष्ट्रिय सञ्चारमाध्यमका अनुसार यो दाँतविहीन थेरोपोड डायनासोर, वा ओभिराप्टोरोसौर हो भन्ने विश्वास गरिएको छ भने यसलाई बेबी यिंगलियाङ नाम दिइएको छ । अनुसन्धानकर्ता डा फियोन वैसुम माले यो “इतिहासमा पाइने सबैभन्दा राम्रो डायनासोर भ्रूण” भएको बताएका छन् ।

यस खोजले अन्वेषकहरूलाई डायनासोर र आधुनिक चराहरू बीचको सम्बन्धको बारेमा अझ बढी बुझेको बताए । जीवाश्मका अनुसार भ्रूण घुमाउरो स्थितिमा थियो जसलाई “टकिङ” भनिन्छ, जुन चराहरू निस्कनु केही समय अघि देखिने व्यवहार हो ।

“यसले आधुनिक चराहरूमा यस्तो व्यवहार पहिलो पटक तिनीहरूको डायनासोर पुर्खाहरूबाट विकसित र उत्पत्ति भएको संकेत गर्दछ,” डा माले एएफपी समाचार एजेन्सीलाई बताइन् ।

यस बेबी यिङलियाङको टाउकोदेखि पुच्छरसम्म १०.६ इन्च (२७ सेन्टिमिटर) लामो छ । रचीनको यिंगलिआङ स्टोन नेचर हिस्ट्री म्यूजियममा ६.७ इन्च लामो अण्डा भित्र सो भ्रुण रहेको छ ।

यसअघि अण्डा पहिलो पटक २००० मा पत्ता लगाइएको थियो, तर १० वर्षको लागि भण्डारणमा राखिएको थियो
। डायनासोरको शरीरको भाग अझै चट्टानले ढाकिएको छ र अनुसन्धानकर्ताहरूले यसको पूर्ण कंकालको छवि बनाउन उन्नत स्क्यानिङ प्रविधिहरू प्रयोग गर्नेछन् ।एजेन्सी