February 2, 2023, Thursday
२०७९ माघ २०, शुक्रबार

एमाले अध्यक्षमा ओलीको उम्मेदवारी दर्ता

एमालेका अध्यक्ष केपी शर्मा ओलीले अध्यक्ष पदमा उम्मेदवारी दर्ता गराएका छन् ।आइतबार राति आफूलाई अध्यक्ष राखेर ओलीले प्रस्ताव गरेको पदाधिकारी र केन्द्रीय सदस्यमा उपाध्यक्ष भीम रावलले असहमति राखेपछि ओलीले फेरि अध्यक्ष बन्न चुनाव लड्नु पर्ने भएको हो।

१०औं राष्ट्रिय महाधिवेशनअन्तर्गत शुरू भएको उम्मेदवारी दर्तामा ओलीले अध्यक्षमा उम्मेदवारी दर्ता गराएका हुन् ।

यसअघि भीम रावलले समेत अध्यक्ष पदमै उम्मेदवारी दर्ता गराएका छन् ।अध्यक्ष ओलीले सहमतिका लागि पदाधिकारी र सदस्यहरू प्रस्ताव गरेपनि सहमति जुट्न नसकेपछि निर्वाचन प्रक्रिया अगाडि बढेको छ ।