देशभर १५८ जना संक्रमित थपिए,२ जनाकाे मृत्यु

काठमाडौं मंसिर १२ गते । गएकाे २४ घण्टामा नेपालमा १५८ जना काेराेना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ८ हजार ९१८ जनामा काेराेना परिक्षण गर्दा पीसीआर विधिबाट १५४ जना र एन्टीजेन परिक्षण विधीबाट ४ जना संक्रमित थपिएका हुन् ।

त्यस्तै गत २४ घण्टामा २ जना संक्रमितको मृत्यु भएको छ । त्यसैगरी थप ३४२ जना संक्रमित डिस्चार्ज भएका छन् ।

हालसम्म नेपालमा कुल संक्रमितमध्य ९७ दशमलव ७ प्रतिशत डिस्चार्ज भैसकेका छन् । हालसम्म नेपालमा काेभिड १९ का कारण मृत्युु हुनेकाे कुल संख्या भने ११ हजार ५२३ जना पुगेका छन् ।