नेता कार्यकर्ताबाटै महाधिवेशन खर्च जुटाउँदै एमाले
काठमाडौं, नेकपा (एमाले)को १०औँ महाधिवेशनको खर्च पार्टीका सदस्यबाट उठाउने भएको छ । यहीँ मङ्सिर १० देखि १२ गतेसम्म चितवनमा हुने महाधिवेशनका लागि पार्टी सदस्यबाट लेभि उठाउने निर्णय गरेको हो ।
महाधिवेशन मूल व्यवस्थापन समितिका सह–संयोजक सुरेन्द्र पाण्डेका अनुसार एक जना सदस्यबाट रु एक सय उठाउने निर्णय भएको छ ।
नेकपा (एमाले)को सदस्य सङ्ख्या सात लाख छ भने यसबाट रु सात करोड उठ्ने अनुमान गरिएको छ । महाधिवेशन प्रतिनिधिबाट रु दुई हजार र केन्द्रीय कमिटी सदस्यबाट रु तीन हजार उठाइने पाण्डेले जानकारी दिए ।
यसैगरी लाभका पदमा रहेकाबाट समेत शुल्क उठाइँदै छ । पाण्डेका अनुसार उनीहरुबाट के कति उठाउने भन्ने बारेमा टुङ्गो लागिसकेको छैन । अन्यको लेभि उठाउन सर्कुलर गरी सकिएको छ ।
प्रतिकृया दिनुहोस्