August 1, 2021, Sunday
२०७८ श्रावण १७, आईतवार

थप १ हजार ६३९ जनामा कोरोना संक्रमण, १२ जनाको मृत्यु

काठमाडौं, मंगलबार देशभर थप १ हजार ६३९ जनामा कोरोना संक्रमण पुष्टि भएको छ । योसँगै नेपालमा पीसीआर परीक्षणमा कोरोना देखिनेको संख्या ६ लाख ५८ हजार ७७८ पुगेको छ ।

विभिन्न जिल्लामा गरिएको ७ हजार ५८ पीसीआर परीक्षणमा १ हजार ६३९ जनामा कोरोना पुष्टि भएको हो । स्वास्थ्य तथा जनसंख्या मन्त्रालयका अनुसार ३ हजार ९५४ एन्टिजेन परीक्षणमा ७५९ जनामा कोरोना संक्रमण देखिएको छ ।

पीसीआर र एन्टिजेन परीक्षणबाट कुल २ हजार ३९८ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा २ हजार ७८ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ६ लाख २३ हजार १०५ पुगेको छ ।

देशभर कोरोना संक्रमणबाट थप १२ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार ४१२ पुगेको मन्त्रालयले जनाएको छ ।

शीर्ष समाचार

धेरै पढिएको