मंगलबारभित्र देउवालाई प्रधानमन्त्री बनाउन सर्वोच्चको परमादेश
काठमाडौं, सर्वोच्च अदालतको संवैधानिक इजलासले प्रतिनिधि सभा विघटनको कदमलाई असंवैधानिक ठहर गर्दै सोमबार पुनः स्थापनाको पक्षमा फैसला गरेको छ ।
सर्वोच्चले कांग्रेस सभापति शेरबहादुर देउवालाई प्रधानमन्त्री बनाउन परमादेश दिएको छ । संसद् विघटनसम्बन्धी मुद्दामा सर्वोच्च अदालतको संवैधानिक इजलाशले आज यस्तो आदेश दिएको हो ।
अदालतले यही भोलि मंगलबार ७ बजेभित्र देउवालाई प्रधानमन्त्री बनाउनको लागि परमादेश जारी गरेको हो भने एक हप्ताभित्र संसद् बोलाउनुपर्ने भनेको छ । सर्वोच्चले ७ दिनभित्र प्रतिनिध सभा बैठक बोलाउनसमेत आदेश जारी गरेको छ ।
यसैगरी संवैधानिक इजलासमा प्रधानन्यायाधीश चोलेन्द्र शमशेर जबरा, न्यायाधीशहरु दीपककुमार कार्की, मिरा खड्का, ईश्वरप्रसाद खतिवडा र डा. आनन्दमोहन भट्टराई छन् ।
प्रतिकृया दिनुहोस्