असुरक्षा बढेपछि राउटे बस्ती सिल,२२ प्रहरी खटिए
सुर्खेत, जिल्ला प्रशासन कार्यालयल सुर्खेतले पछिल्लो समय राउटे बस्तीमा असुरक्षा बढेको भन्दै गैरराउटे व्यक्तिहरुलाई प्रवेश गर्नमा प्रतिबन्ध गरेको छ ।
प्रमुख जिल्ला अधिकारी छविलाल रिजालका अनुसार बस्तीमा कसैलाई आउजाउ गर्न नदिने उद्देश्यले २२ जना प्रहरी खटाएर राउटे बस्ती बाहिरबाट जाने व्यक्तिलाई प्रवेश निषेध गरेको हो ।
कुनै पनि व्यक्तिहरुलाई राउटे समुदायमा पुग्न नदिन बस्ती सिल गरिएको जिल्ला प्रहरी कार्यालय सुर्खेतका डीएसपी रामप्रसाद घर्ती मगरले जानकारी दिएका छन् ।
राउटेहरु सुर्खेतको गुर्भाकोट नगरपालिका–११, आँपसोतीको भेरी नदी किनारमा बस्दै आएका छन् । राउटे समुदायका दुई युवतीमाथि भएको यौन दुव्यर्वहारको घटनापछि बस्तीमा शील गरिएको हो ।
बस्तीमा थप घटना हुन नदिन बस्ती सिलनै गर्नु परेको प्रहरीले जनाएको छ । केही दिनअघि राउटे युवतीलाई मदिरा सेवन गराएर होटलमा लगी यौन दुर्व्यवहार भएको घटना बाहिरिएको थियो ।
प्रतिकृया दिनुहोस्