वासिङ्टन, संयुक्तराज्य अमेरिकाको टेनिसी पोखरीमा एउटा सानो सेस्ना जेट विमान दुर्घटना हुँदा त्यसमा सबार सबैको मृत्यु भएको छ । सेस्ना सी५०१ बिमान पर्सी प्रिस्ट लेकमा शनिबार बिहान दुर्घटनाग्रस्त भएको अधिकारीहरुले बताएका छन् ।
प्रारम्भिक विवरणमा स्मिर्ना बिमानस्थलबाट उडेको केही समयभित्रै बिमान पोखरीमा खसेको उल्लेख छ । उद्धारकर्मीका अनुसार बिमानमा सवार सबै सात जनाको मृत्यु भएको छ । संघीय हवाई उड्डयन प्रशासनले विमान दुर्घटनाका बारेमा अनुसन्धान शुरु भइसकेको जनाएको छ । एजेन्सी
प्रतिक्रिया
