June 13, 2021, Sunday
२०७८ जेष्ठ ३०, आईतवार

कोरोना कहर: देशभरका ५२ जिल्लामा निषेधाज्ञा

काठमाडौं, मुलुकमा कोरोना सङ्क्रमण उच्च दरमा बढेसँगै नियन्त्रणका लागि विभिन्न जिल्लाले निषेधाज्ञा जारी गरेको छ । यहीँ वैशाख ७ बाट जारी हुन थालेको निषेधाज्ञा आजसम्म ५२ जिल्लामा पुगेको छ ।

जसमध्ये १२ जिल्लामा आंशिक आदेश जारी भएको छ । पछिल्लो चौबीस घण्टामा छ जिल्लामा निषेधको आदेश जारी भएको गृह मन्त्रालयले जनाएको छ ।    

    
आदेश जारी हुने जिल्लामा म्याग्दी, मुगु, तनहुँ, बारा, सिराहा, र नवलपरासी पश्चिम छन् । त्यसमध्ये तनहुँ र म्याग्दीमा क्षेत्र तोकेर आंशिक आदेश जारी भएको छ ।
नवलपरासी पश्चिममा बुधबार बिहानदेखि आदेश लागू भइसकेको छ भने म्याग्दी, मुगु र तनहुँमा आज राति १२ बजेदेखि लागू हुनेछ । बारा र सिराहामा बिहीबार बिहान ६ बजेदेखि लागू हुनेछ ।    
    

सरकारले दिएको अधिकार प्रयोग गर्दै विभिन्न जिल्लामा प्रमुख जिल्ला अधिकारीबाट निषेधाज्ञा जारी गरी कोरोना सङ्क्रमण रोकथामको प्रयास भइरहेको छ । हाल बाँके, सुर्खेत, काठमाडौँ, ललितपुर, भक्तपुर, कास्की, कैलाली, पर्सा, दाङ, कञ्चनपुर, पाल्पा, चितवन, रुपन्देही, बाग्लुङ, बर्दिया, सल्यान, सुनसरी, दार्चुला, जाजरकोट, रुकुम पश्चिम, डडेलधुरा, झापा, मोरङ र गुल्मीमा निषेधाज्ञ लागू गरिएको छ ।    
    

यसैगरी प्यूठान, काभ्रेपलाञ्चोक, गोरखा, बाजुरा, उदयपुर, मकवानपुर, बझाङ, कालिकोट, स्याङजा, कपिलवस्तु, रामेछाप, ताप्लेजुङ र वैतडी, नुवाकोट, धनुषा, महोत्तरी, डोल्पा, डोटी, नवलपरासी पूर्व, दैलेख, अर्घाखाँची र रोल्पामा पनि आदेश कार्यान्वयनमा छ ।

त्यसमध्ये बाग्लुङ, दार्चुला, मोरङ, काभ्रेपलाञ्चोक, मकवानपुर, गोरखा, कालिकोट, स्याङ्जा, रामेछाप, ताप्लेजुङ, तनहुँ र म्याग्दीमा आंशिक निषेधाज्ञा छ ।    

शीर्ष समाचार

धेरै पढिएको