November 30, 2021, Tuesday
२०७८ मंसिर १५, बुधबार

ओली वाम गठबन्धनको सरकार बनाउनु सट्टा ठाकुरलाई गुहार्न पुगे: नेता भुसाल

file photo

काठमाडौं, नेकपा एमालेका नेता घनश्याम भुसालले प्रधानमन्त्री केपी शर्मा ओलीले वाम गठबन्धनलाई बाटो खोलीदिनुको सट्टा जनता समाजवादी पार्टी जसपा) का अध्यक्ष महन्थ ठाकुरजीलाई गुहार्न पुगेको बताएका छन् ।

प्रेस चौतारी रुपन्देहीले बिहीबार बुटवलमा आयोजना गरेको पत्रकार सम्मेलनमा बोल्दै उनले ओलीले
कुर्सीको मोह त्यागे अझै पनि वाम गठबन्धनको सरकार बन्न सक्ने आधार रहेको बताएका हुन् ।

उनले भने,।‘हामी वाम गठबन्धनकै सरकारको पक्षमा छौं । तर, ओलीजीले आफ्नै पार्टी बन्धक बनाएर विभाजनको बाटोमा लग्नु भयो । वाम गठबन्धनलाई बाटो खोलीदिने सट्टा महन्थ ठाकुरजीहरुलाई गुहार्न जानुभएको छ । ओलीजी वाम गठबन्धनकै विरोधी हो ।’

यस्तै उनले ओलीको अहंकार र सत्तामोह हटाएर पाटी एकढिक्का पार्ने बताएका छन् । चुनावअघि नै पाटीभित्रको विवाद टुंगाएर पार्टी एकीकृत गर्ने उनको दाबी छ ।

‘ओलीजीले अहंकार हटाउने हो भने पार्टीमा धेरै समस्या छैन । विवाद हुन्न,’ उनले भने, ‘तर, ओलीजीका अहंकारका अगाडि पार्टीको इतिहास, गौरव, इज्जत र प्रतिष्ठा आत्मसर्मपण हुन दिँदैनौं । पार्टीभित्रै अन्तरसंघर्ष गर्छौं ।’

शीर्ष समाचार

धेरै पढिएको