कोरोना संक्रमणबाट विदेशमा थप ४ नेपालीको मृत्यु
काठमाडौं, कोरोना संक्रमणबाट विदेशमा थप चार जना नेपालीको मृत्यु भएको छ । यो साता कतारमा तीन जना र रुसमा १ जना गैरआवासीय नेपालीको कोरोना संक्रमणका कारण निधन भएको गैरआवासीय नेपाली संघ अन्तर्गतको स्वास्थ्य समितिका संयोजक डा.सन्जिव सापकोटाले बताएका छन् ।
गैरआवासीय नेपाली संघ (एनआरएनए) का अनुसार कोरोना संक्रमणका कारण शनिवार साँझसम्म २३ देशमा रहेका ३ सय ४९ जना नेपालीको निधन भएको छ ।
संयोजक डा. सापकोटाका अनुसार यो साता माल्दिभ्स, मलेसिया, कतार र युएईमा रहेका नेपालीहरुमा थप कोरोना संक्रमण देखिएको छ ।
हालसम्म ५४ देशमा ६५ हजार २ सय ८७ जना नेपालीमा कोरोना संक्रमण पुष्टि भएको छ ।
प्रतिकृया दिनुहोस्