April 20, 2021, Tuesday
२०७८ बैशाख ७, मंगलवार

बागलुङ विष्फोटमा परि गम्भीर घाइते एक युवकको मृत्यु

  • 4
    Shares

बागलुङ, बिहिवार बागलुङ जिल्लाको बडिगाड गाउँपालिकामा भएको बम विष्फोटमा परी गम्भीर घाइते भएका एक युवकको आज मृत्यु भएको छ ।

जिल्लाप्रहरी कार्यालय बागलुङका अनुसार बागलुङ जिल्लाको बडिगाड गाउँपालिका–२, सिमलचौरमा माछा मार्नका लागि बम बनाउँदै गर्दा विस्फोट भएपछि गम्भीर घाइते भएका एक युवकको मृत्यु भएको हो ।

गम्भीर घाइते गुल्मीको मुसिकोट नगरपालिका–७ स्थायी घर भई बडिगाड गाउँपालिका–२ सिमलचौर बस्ने ३१ वर्षीय मित्रबहादुर रानाको उपचारको लागि पाल्पा लैजाँदै गर्दा बटोमै बिहीबार साँझ मृत्यु भएको जिल्ला प्रहरी कार्यालय बागलुङका सूचना अधिकारी तथा प्रहरी नायब उपरीक्षक इकबाल हवारीले जानकारी दिएका छन् ।

विष्फोटमा गम्भीर घाइते भएका बडिगाड गाउँपालिका–२, हाडिखोलाका २८ वर्षीय अरुण पुनको लुम्बिनी मेडिकल कलेज प्रवास पाल्पामा उपचार भइरहेको छ ।

यस्तै, स्थानीयवासी दुर्गाबहादुर भुजेलको घरमा बम बनाइरहेको समयमा एक्कासि विष्फोट हुँदा दुई जना बिहीबार दिउँसो गम्भीर घाइते भएका थिए ।

शीर्ष समाचार

धेरै पढिएको