प्रचण्ड–माधव पक्षको विरोध सभा तयारीले ट्राफिक व्यवस्थापन प्रभावित
काठमाडौं, नेपाल कम्युनिस्ट पार्टी (नेकपा) प्रचण्ड–माधव समूहले काठमाडौंमा बृहत विरोध सभा गर्ने भएपछि काठमाडौं उपत्यकाको ट्राफिक व्यवस्थापन प्रभावित भएको छ ।
ट्राफिक प्रहरीका अनुसार जुलुस बिहिवार बिहान ११ बजेपछि सुरु हुने भए पनि बिहानैदेखि यातायात आवागमनमा असर परेको हो ।
यातायात आवागमनलाई व्यवस्थित गर्ने प्रयासमा आज बिहानैदेखि डाइभर्सन सुरु गरिएको छ भने ठूला गाडीहरुलाई चक्रपथभित्र प्रवेश गर्न पूर्णरुपमा रोक लगाइएको छ । हाल ठूला गाडीहरुलाई चक्रपथ वरिपरि नै रोकिएको छ ।
कालीमाटी, थापाथली, लैनचौर, रत्नपार्क, पुतलीसडक क्षेत्रतिर आउने साना गाडीहरुलाई पनि डाइभर्सन गरिएको छ । यस्तै वैकल्पिक सडकमा पनि सवारी साधनहरुको जाम सुरु भएको छ ।
प्रतिकृया दिनुहोस्