May 8, 2021, Saturday
२०७८ बैशाख २५, शनिबार

प्रचण्डले अभियोग पत्र फिर्ता लिए पार्टी एकता कायम राख्न सम्भव: ईश्वर पोखरेल

काठमाडौं, नेपाल कम्युनिष्ट पार्टी (नेकपा) ओली समुहका नेता ईश्वर पोखरेलले गत कात्तिक २८ गतेको सचिवालय बैठकमा पुष्पकमल दाहालले पेश गरेको राजनीतिक दस्तावेज फिर्ता लिएर निर्वाचनमा जान सहमत भएको पार्टी एकता कायम रहने बताएका छन् ।

वागमती प्रदेश कमिटीले धुम्वाराहीस्थित पार्टी कार्यालयमा सोमबार आयोजना गरेको कार्यक्रममा नेता पोखरलले प्रधानमन्त्री ओलीमाथि लगाएको ‘अभियोग पत्र’ फिर्ता लगेर निर्वाचनमा जान तयार भए पार्टी एकता कायम रहने बताएका हुन् ।

‘पार्टी एकतालाई कायम राख्ने हो भने गत कार्तिक २८ गते ‘प्रचण्ड’ले सम्माननीय प्रधानमन्त्री ज्यूलाई लगाएको जुन गम्भीर अभियोग छ, त्यो अभियोग पत्र फिता लिनुपर्छ र घोषणा भइसकेको निर्वाचनमा सहभागी हुनका लागि तयार हुनुपर्छ,’ पोखरेलले भने।

अर्को  प्रसंगमा उनले निर्वाचन आयोगले हिजो गरेको निर्णयले प्रधानमन्त्री ओलीको अडानलाई बल पुगेको बताए। ‘हामी निर्वाचन आयोगको निर्णयलाई सम्मान गर्छौं,’पोखरेलले भने, ‘शुरुदेखि नै केपी शर्मा ओलीले नेतृत्व गरेको नेकपाको तर्फबाट जे अडान राखिएको थियो, त्यो अडानलाई बल पुग्ने स्थिति हामीले देखेका छौं ।’

शीर्ष समाचार

धेरै पढिएको