May 12, 2021, Wednesday
२०७८ बैशाख २९, बुधबार

संसद विघटनविरुद्ध प्रचण्ड-माधव पक्षको काठमाडौँमा शक्ति प्रदर्शन

  • 10
    Shares

काठमाडौं, संसद विघटन असंवैधानिक र अलोकतान्त्रिक कदम भएको भन्दै आन्दोलनरत नेकपा प्रचण्ड–माधव पक्षको आज काठमाडौँमा शक्ति प्रदर्शन शुरु भएको छ ।

शुक्रबार बिहान ११ बजे काठमाडौं र ललितपुरका विभिन्न ९ स्थानबाट जुलुस निकाल्ने तयारी भए पनि केही ढिला गरी कार्यक्रम शुरु भएको थियो । 

माइतीघर, डिल्लीबजार, लैनचौर, त्रिपुरेश्वर, कुपण्डोल, प्रदर्शनीमार्ग, त्रिचन्द्र कलेज, शान्तिबाटिका लगायतका स्थानबाट जुलुस निकाल्ने नेकपाको तयारी छ ।

तोकिएका स्थानबाट स्थायी समितिका नेताहरुको नेतृत्वमा निस्कने जुलुुस रत्नपर्कतर्र्फ बढ्नेछ । माइतीघरको जुलुशमा नेताहरु गणेश शाह, गिरिराजमणि पोखरेल, मातृका यादव, लीलामणि पोखरेल, हरिबोल गजुरेल, पेशल खतिवडा लगायतका नेताहरु रहने छन् ।

देवेन्द्र पौडेल, युवराज ज्ञवाली, सुरेन्द्र पाण्डे तथा कुपण्डोलको जुलुसमा कृष्णबहादुर महरा, पम्फा भुसाल, रघुजी पन्त, नन्दकुमार थापालगायतका नेताहरु त्रिपुरेश्वरबाट निस्कने जुलसमा रहने छन्

डिल्लीबजार चारखालको जुलुसको नेतृत्व वर्षमान पुन र वेदुराम भुसालले गर्ने छन् । लैनचौरको जुलुसको नेतृत्व भीम रावल, शक्तिबहादुर बस्नेत, नन्दकुमार प्रसाईंलगायतका नेताहरुले गर्नेछन् ।

देव गुरुङ, हितमान शाक्य, रामकुमारी झाँक्री र लेखनाथ न्यौपानेले त्रिचन्द्र कलेज अगाडिबाट निस्किने जुलुसको नेतृत्व गर्ने छन् भने वाल्मिकी क्याम्पसको जुलुसमा अमृत बोहोरा, मुकुन्द न्यौपाने, विष्णुपुकार श्रेष्ठ रहने छन् ।

प्रदर्शनी मार्गको जुलुसमा घनश्याम भुसाल र जनार्दन शर्मा रहने छन् भने शान्तिवाटीकाबाट सुरु हुने मजदुरको जुलुसमा नारायणकाजी श्रेष्ठ र योगेश भट्टराई रहने छन् ।

शीर्ष समाचार

धेरै पढिएको