February 28, 2021, Sunday
२०७७ फाल्गुन १६, आईतवार

कानुन व्यवसायीहरूलाई छिटो बहस सक्न प्रधानन्यायधीश जबराको आग्रह 

काठमाडौं, संसद विघटनको मुद्दामा बहस गर्नेहरूलाई संवैधानिक इजलासले पहिलेको तुलनामा निकै कम समय दिन थालेको छ । आजको बहसमा प्रधानन्यायधीश चोलेन्द्र शमसेर जबराले कानुन व्यवसायीहरूलाई छिटो बहस सक्न आग्रह गरेका छन् ।

१३ रिट निवेदन भएको र ठूलो संख्यामा कानुन व्यवसायीहरूले वकालतनामा भरेपछि अन्तिम फैसला आउन ढिला हुने भन्दै इजलासले छोटो बहस गर्न भनेको हो । 

कानुन व्यवसायी कोपिलप्रसाद अधिकारी उभिएपछि प्रधानन्यायाधीशले १० मिनेटमा बहस सिध्याउन भनेका थिए भने अधिकारीले आफूलाई १५ मिनेट दिन आग्रह गरे ।

प्रधानन्यायाधीश जबराले जवाफमा भने , ‘हामीले पटकपटक भनिरहेका छौं । अवस्था यस्तै छ । तपाईंहरू झन्डै तीन सय जना हुनुहुन्छ ।’

त्यसपछि अधिकारीले आफू नाम मात्रै लेखाउन नआएको जवाफ दिए । अधिकारीको जवाफ सुनेपछि समयको ख्याल गर्न रिट निवेदकहरू नै अगाडि बढ्नुपर्ने आशय व्यक्त गरे गर्दै उनले भने, ‘दुई महिना लिन्छौं भने पनि दिन्छौं ।’

शीर्ष समाचार

धेरै पढिएको