January 18, 2021, Monday
२०७७ माघ ५, सोमबार

एनआरएनए ख्यङ्साङ्द्वारा विदाई तथा सल्लाहकार सम्मान कार्यक्रम सम्पन्न

  • 74
    Shares

काठमाडौं, दक्षिण कोरियाको एनआरएनए ख्यङ्साङ क्षेत्रिय संस्थाले सोमबार विदाई तथा सल्लाहकार सम्मान कार्यक्रम सम्पन्न गरेको छ ।

एनआरएनए ख्याङसाङले दक्षिण कोरियाको खिम्हेमा अवस्थित माइग्रेन्ट हाउसमा सामाजिक सञ्जाल जुममार्फत आयोजना गरेको सम्मान तथा विदाई कार्यक्रममा विभिन्न क्षेत्रबाट मनोनित भएका १४ जना सल्लाहकारहरूलाई बधाई तथा धन्यवाद ज्ञापन गरेकाे हो ।

आगामी दिनहरूमा सो संस्थाले गर्ने हरेक क्रियाकलापमा उनीहरुको महत्वपूर्ण भुमिका, सल्लाह, सुझावको अपेक्षा गर्दै हातेमालो गरी अगाडि बढ्नका लागि उक्त कार्यक्रम आह्वान गरिएको थियो ।

एनआरएनए क्षेत्रिय समीतिका नव मनोनित सल्लाहकारहरुमा रबिन राई,गोविन्द पाण्डे, मधुसूदन महत, ईश्वर रोकाया, प्रशान्तराज बानियाँ, सुजीत घिसिङ ,सङ्गीत अधिकारी, नवीन के.सी (बुसान), शर्मिला गुरुङ (परी) रहेका छन् । यसैगरी ईश्वर कठायत, हरिशरण श्रेष्ठ, नविन के.सी (गजेदो ),युद्द सलामी मगर,सागर पोख्रेल छन् ।

ख्यङ्साङ एकाईका ३ जना सदस्यहरूमा सुकराज तामाङ्, विष्णु बञ्जाडे तथा विष्णुवर्दन थापालाई कोरिया बसाईको ५ वर्ष पूरा गरी स्वदेश फिर्ता हुन लागेकोमा शुभकामनासहित नेपाल बसाई सुखमय रहोस् भन्दै प्रगतिको कामना पनि गरेका थिए । कार्यक्रममा प्रमुख अतिथि यज्ञराज सुवेदी, विशेष अतिथि सञ्जीव राई तथा सभापती भेषराज दहालको सहभागी थियो ।

अध्यक्ष दाहालले सोहि कार्यक्रमबाट आगामी मार्च ७ बाट शुरू हुन लागेको सिपमुलुक तालिममा उपस्थित हुन कोरियामा रहेका सबै नेपालीलाई आग्रह गरेका छन् । स्थानिय सरकारको सहयोग तथा विभिन्न सामाजिक संस्थाहरूको सहकार्यमा एनआरएनए ख्यङ्साङ दक्षिण कोरिया र खिम्हे माइग्रेन्ट हाउसको सहकार्यमा सदा झैं यस वर्ष पनि विभिन्न सीपमुलक तालिमहरू संचालन हुन लागेको उनले बताए ।

इच्छुक सबैजनालाई तालिममा सहभागी हुन अनुरोध गरेका छन् भने कोरोनाको स्थिती यथावत रहेमा पुन: सूचना गरिने पनि बताए ।

सीपमुलक तालिम अन्तर्गत कार मर्मतमा २० जना, कृषि तालिम: हिउँदे तथा वर्षा खेती, स्मार्ट खेती(च्याउ) तथा कुखुरा पालनमा ३० जना, बेकरी तालिममा १० जना र कफी बारिष्टामा १० जनालाई तालिम दिइने छ ।

यससम्बन्धी थप जानकारी प्राप्त गर्न निम्न व्यक्तिहरुसँग सम्पर्क गर्न सकिने अध्यक्ष दाहालले बताए ।

सम्पर्क व्यक्तिहरू:
यज्ञराज सुवेदी- ०१०६३०००९०२
भेषराज दाहाल- ०१०३०४६४४७८
सुजाता बस्नेत- ०१०८०९५४७६०
योगिता गौतम- ०१०५४७५८४१०

आवश्यक कागजपत्रहरू
नाम:
फोन न :
आई डि कार्ड

शीर्ष समाचार

धेरै पढिएको