February 26, 2021, Friday
२०७७ फाल्गुन १४, शुक्रबार

भक्तपुरमा ट्रक दुर्घटना हुँदा चालकको मृत्यु

  • 3
    Shares

भक्तपुर, भक्तपुरमा ट्रक दुर्घटना हुँदा चालकको मृत्यु भएको छ । सूर्यविनायक नगरपालिका–८ जगाती महेश्वरी पेट्रोल पम्प नजिकै ट्रक दुर्घटना हुँदा चालकको मृत्यु भएको हो ।

आज बिहान करीब २ः१५ बजे अरनिको राजमार्ग खण्डमा ११ वटा भैँसि बोकेर आएको ट्रक दुर्घटना हुँदा चालकको घटनास्थलमै मृत्यु भएको प्रहरीले जनाएको छ ।

जगातीबाट सूर्यविनायकतर्फ जाँदै गर्दा ना६ख ३९८२ नंको ट्रक अनियन्त्रित भई दुर्घटना भएर पल्टिँदा ट्रक चालक वीरगञ्ज महानगरपालिका–१२ बस्ने ३० वर्षीय कैमोदिन अन्सारीको ट्रकको ढोकामा च्यापिएको अवस्थामा मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक दीपक गिरीले जानकारी दिएका छन् ।

शव परीक्षणका लागि काठमाडौँ मेडिकल कलेज दुवाकोट भक्तपुर पठाइएको उनले जानकारी दिए ।

शीर्ष समाचार

धेरै पढिएको