थप १ हजार २७२ जनामा कोरोना पुष्टि, १६ जनाको मृत्यु

काठमाडौं, शुक्रवार थप १ हजार २७२ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ३८ हजार ८६१ पुगेको हो ।

कोरोनाबाट आज थप १६ जनाको मृत्यु भएको छ । हालसम्म कोरोनाबाट मृत्यु हुनेको संख्या १५ सय ६७ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार आज १ हजार ५७५ जना डिस्चार्ज भएका छन् । योसहित निको हुनेको संख्या २ लाख २१ हजार ८४७ पुगेको छ। देशभर क्वारेन्टिनमा ५३७ जना रहेका छन् भने आइसोलेसनमा १५ हजार ४४७ जनाको उपचाररत छन् ।