September 23, 2021, Thursday
२०७८ आश्विन ७, बिहीबार

सम्झनाको बलात्कारपछि हत्या गरेको अभियोगमा पक्राउ परेका बोहरा फरार

काठमाडौं, डोटीका १२ वर्षीया बालिका सम्झना कामीको बलात्कारपछि हत्या गरेको अभियोगमा पक्राऊ परी र्पुपक्षका लागि कारागार चलान भएका राजेन्द्र बोहरा अस्पतालबाट फरार भएका छन् ।

बोहोरालाई कोरोना संक्रमण पुष्टि भएपछि अस्पतालको आइसोलेसनमा राखिएको थियो र उनी त्यहीँबाट भागेका हुन् ।

प्रहरी स्रोतले जानकारी अनुसार डोटी जिल्ला अस्पतालको आइशोलेशनबाट हिजो बोहरा फरार भएका हुन् भने उनको खोजी कार्य भइरहेको जनाइएको छ ।

बोहरा कम उमेरको भएकाले कारागारमा नभई बाल सुधार गृहमा राखिएका थिए । त्यहाँ उनी कोरोना संक्रमित भएपछि अस्पतालको आइशोलेनमा राखिएका थिए । बोहरामाथि बालिका सम्झना कामीको बलात्कारपछि निर्ममतापूर्वक हत्या गरेको अभियोग छ ।