प्रधानमन्त्री ओलीको उपस्थित नहुने भएपछि नेकपा केन्द्रीय सचिवालय बैठक अन्यौलमा
काठमाडौं, प्रधानमन्त्री एवम् नेकपा अध्यक्ष केपी शर्मा ओली बैठकमा उपस्थित नहुने भएपछि सत्तारुढ नेकपाको केन्द्रीय सचिवालय बैठक अन्यौलमा परेको छ ।
प्रधानमन्त्री ओलीले केही समय बैठक नराख्न आग्रह गरेपछि आजका लागि तय गरिएको सचिवालय बैठक अन्यौलमा परेको हो ।
दाहाल नेपाल समूहले भने प्रधानमन्त्रीको आग्रहका बाबजुद सचिवालय बैठक बस्ने बताएको छ । बैठक दिउँसो १ बजेका लागि बोलाइएको छ । सो बैठकमा अध्यक्ष ओली र अर्का अध्यक्ष पुष्पकमल दाहालले प्रस्तुत गरेको प्रस्तावमाथि छलफल हुने जनाइएको छ ।
हिजोको बैठकमा ओलीले दाहालको प्रस्ताव फिर्ता लिनु पर्ने र त्यसमा छलफल अघि बढाउन नहुने प्रस्ताव गरेका थिए । तर अधिकांश सदस्यले दुवै अध्यक्षको प्रस्तावमा छलफल अघि बढाउने बताएपछि ओलीले बैठकमा नआउने बताएका थिए ।
प्रतिकृया दिनुहोस्