March 2, 2021, Tuesday
२०७७ फाल्गुन १८, मंगलवार

नेपाल उद्योग वाणिज्य महासंघको नेतृत्व चयनका लागि मतदान जारी

  • 1
    Share

काठमाडौं, नेपाल उद्योग वाणिज्य महासंघको निर्वाचन अन्तरगत मतदान जारी रहेको छ । चुनावका लागि तीन ठाउँमा मतदान केन्द्र तोकिएको छ ।

जिल्ला नगर तर्फका लागि कमलादीस्थित प्रज्ञा प्रतिष्ठानमा, एसोसिएट तर्फका लागि कार्की ब्याङ्केट थापाथलीमा र वस्तुगत तर्फको लागि महासंघको केन्द्रीय कार्यालयमा मतदान भइरहेको छ ।

महासंघको विधानअनुसार वरिष्ठ उपाध्यक्ष नै स्वतः अध्यक्ष हुन पाउने व्यवस्था भए अनुसार हालका वरिष्ठ उपाध्यक्ष शेखर गोल्छा अध्यक्ष बन्दै हुनुहुन्छ । बाँकी पदहरुमा निर्वाचन हुनेछ ।

यस्तै कोरोना संक्रमित मतदाताहरुका लागि नेपाल प्रज्ञा प्रतिष्ठान कमलादीमा मतदानको व्यवस्था मिलाइएको छ । निर्वाचन विहान ८ बजेदेखि शुरु भयो । आज राती नै मत गणना सम्पन्न गर्ने गरी तयारी गरिएको छ ।

महासंघको वरिष्ठ उपाध्यक्ष पदका लागि वर्तमान उपाध्यक्षद्वय  किशोर प्रधान र चन्द्रप्रसाद ढकाल  चुनावी मैदानमा प्यानल सहित उत्रिएका छन् ।

शीर्ष समाचार

धेरै पढिएको