Minister for Health Gagan Thapa voices his opinion on the ongoing discussion regarding the impeachment motion against Chief of the Commission for the Investigation of Abuse of Authority, Lok Man Singh Karki, at the Legislature-Parliament meeting in New Baneshwar on Tuesday, October 25, 2016. Photo: RSS
प्रमुख प्रतिपक्षी दल कांग्रेसका पूर्वमन्त्री गगन थापाले सांसदहरूले विकासका नाममा पैसा लिन थालेदेखि हैसियत वडा अध्यक्ष जस्ताे भएको बताएका छन् । प्रतिनिधिसभाको शनिबारको बैठकमा बोल्दै सांसद थापाले सांसदहरूले विकासका नाममा बजेट नलिएर नीति निर्माताका रूपमा आफूलाई प्रस्तुत गर्नुपर्ने बताएका छन् ।
बजेट निर्माणमा भूमिका खेल्नुपर्ने सांसदले मन्त्रीको ढोकामा योजना माग्न गएपछि हैसियत कम हुने थापाको थापाकाे बुझाई छ । ‘बजेट निर्माणमा संसदको भूमिका के ? हामीले बोक्ने विचारधाराको अर्थ र सम्बन्ध के रहन्छ भन्दै प्रश्न गरेका छन् । सांसदको हैसियत त्यसरी मन्त्रीको ढोकामा कुद्न थालेपछि बिग्रिएको थापाको भनाइ थियो । ‘पहिलाको भन्दा स्थिति झन बिग्रीयो, जहिलेबाट हामीले स्थानीय पूर्वाधार विकास साझेदारी कोष नाम दियौं ।
यसबाट वडअध्यक्ष जस्तो पैसा लिन थाल्यौ । पहिलेको भन्दा स्थिति झन बिग्रियो । हाम्रो हैसियत अहिले वडाअध्यक्षको जस्तो भएको छ ।’ सांसदहरूले आफ्नो हैसियत कायम गर्नका लागि त्यो रकम लिन्नौं भन्न सक्नुपर्ने थापाको आग्रह छ । उनले बजेट र मन्त्रालयगत विनियोजनमाथि सांसदहरू जति बोले पनि केही परिवर्तन नहुनुमा त्यसरी विकास बजेट माग्न जानु र स्थानीय पूर्वाधार साझेदारी कोषको नाममा रकम लिनु रहेको बताए ।
प्रतिक्रिया
