September 23, 2021, Thursday
२०७८ आश्विन ७, बिहीबार

वाग्मती प्रदेशमा कोरोना सङ्क्रमण दर उच्च, सङ्क्रमितको सङ्ख्या ४७ हजार नाघ्यो

मकवानपुर, अन्य प्रदेशको तुलनामा वाग्मती प्रदेशमा कोरोना सङ्क्रमीत उच्च दरमा फेला पर्नुका साथै सङ्क्रमितको सङ्ख्या पनि बढेको छ । कुल संक्रमितको ४५ दशमलब ३६ प्रतिशत कोरोना संक्रमित बागमती प्रदेशमा पुष्टि भएका छन् ।

हाल सम्म वाग्मती प्रदेशमा कोरोना संक्रमण पुष्टि भएकाको कोरोना संक्रमतिको सख्या ४७ हजार ९ सय ४१ जना पुगेको वाग्मती प्रदेशको सामाजिक बिकास मन्त्रालयका कोभिड १९ का प्रबक्ता डाक्टर पुरुषोत्तम सेढाईले जानकारी दिएका छन् । बागमती प्रदेशमा एकैदिनमा तीन हजारसम्म संक्रमतिहरु बढ्ने गरेको पनि उनले बताएका छन् ।

“परिक्षणको दायरा बढाएसँगै कोरोना भाइरस संक्रमितको संख्या पनि बढेको हो । पहिलेको तुलनामा एकैदिन धेरैजनामा कोरोना संक्रमण पुष्टि भएको हो । वाग्मती प्रदेशमा विदेशबाट फर्कनेसंगै नेपालमै रहेकाहरुमा पनि कोरोना देखिएको छ” उनले भने ।

प्रदेशमा २७ हजार ३ सय ७२ जना कोरोना संक्रमित उपचार पछि विभिन्न अस्पतालबाट डिस्चार्ज भएको वाग्मती प्रदेशको सामाजिक बिकास मन्त्रालयका डाक्टर सेढाईले जानकारी दिए ।

वाग्मती प्रदेशमा विदेशबाट फर्किएकाहरु भन्दा पनि अहिले स्थानीय समुदायमानै वसेकाहरुमा कोरोना संक्रमण देखापरेको छ ।