January 23, 2021, Saturday
२०७७ माघ १०, शनिबार

चाडबाड नजिकिएको मौका छोप्दै खाद्य वस्तुमा नयाँ मिति राखेर बिक्री प्रयास

  • 3
    Shares

काठमाडौं, मुख्य चाडपर्व नजिकिएको मौका छोप्दै मिति सकिएका खाद्य वस्तुमा नयाँ मिति राखेर बजार पठाउने अवैध गतिविधिमा विभिन्न व्यवसायी सक्रिय भएको पाइएको छ ।

अवैध गतिविधिमा विभिन्न चलखेल हुन थालेको सूचना पाएपछि प्रहरीले केही दिनदेखि शङ्कास्पद क्षेत्रमा छापा मारेर त्यस्ता कार्यमा संलग्न केही व्यवसायीलाई पक्राउसमेत गरेको छ ।

आज मात्रै काठमाडौँको कलङ्कीबाट झण्डै रु पाँच करोड मूल्य बराबरका त्यस्ता खाद्य वस्तु बरामद गरिएको महानगरीय प्रहरी परिसरका प्रमुख श्यामलाल ज्ञवालीले जानकारी दिएका छन् । मिति सकिएको खाद्य वस्तुलाई नयाँ मिति लगाएर बजार पठाउने तयारी गर्दै गर्दा भण्डारबाटै चार जनालाई पक्राउ गरिएको प्रहरी वरिष्ठ उपरीक्षक ज्ञवालीले सञ्चारमाध्यमलाई बताएका छन् ।

उनका अनुसार विशेष सूचनाका आधारमा महानगरीय प्रहरी वृत्त कालीमाटीबाट खटिएको प्रहरी टोलीले उनीहरुलाई थलोमै पक्राउ गरेको हो । बन्दाबन्दीका समयमा नबिकेका सामानलाई मिति सच्याएर बजारमा पठाउने तयारी गरिएको प्रहरीले जनाएको छ ।

शीर्ष समाचार

धेरै पढिएको