April 22, 2021, Thursday
२०७८ बैशाख ९, बिहीबार

यतीले आगामी असोज २१ बाट सिमरामा नियमित उडान गर्ने

काठमाडौँ, निजी क्षेत्रको वायुसेवा प्रदायक संस्था यती एयरलाइन्सले १२ वर्षपछि अर्थात यही असोज २१ देखि सिमरामा नियमित उडान गर्ने भएको छ ।

२२औँ वार्षिकोत्सवका अवसरमा एयरलाइन्सले नयाँ गन्तव्यको रुपमा सिमरा पुनः उडान सञ्चालन गर्ने घोषणा गरेको छ । सन् २००८ मा काठमाडौँ–सिमरा उडान भरेको यती एअरलाइन्सले आगामी असोज २१ देखि बाराको सिमरा विमानस्थलमा उडान भर्न लागेको हो ।

एअरलायन्सका प्रमुख सुरक्षा अधिकृत तथा प्रवक्ता सुदर्शन बर्तौलाले कोभिड–१९ को सङ्क्रमणको समयमा उच्च सर्तकता अपनाएर सिमरा उडान गर्न लागेको जानकारी दिएका छन् । “सिमरा उडानबारे सम्बन्धित निकायसँग स्वीकृत लिई असोज २१ देखि दैनिक दुई उडानमार्फत सेवा विस्तार गर्नेछौँ”, उनले भने ।

शीर्ष समाचार

धेरै पढिएको