थप १५५९ जनामा कोरोना पुष्टि, सङ्क्रमितको सङ्ख्या ७७ हजार नाघ्यो
काठमाडौं, बुधवार थप १ हजार ५९ जनामा कोरोना पुष्टि भएको छ । योसँगै नेपालमा कुल सङ्क्रमितको सङ्ख्या ७७ हजार ८१७ पुगेको स्वास्थ्य तथा जनसंख्या मन्त्रालयका प्रवक्ता जागेश्वर गौतमले प्रेस ब्रीफिङमा बताएका छन् ।
पछिल्लो २४ घण्टामा कोरोनामुक्त भई १ हजार ५६ जना डिस्चार्ज भएका छन् । हालसम्म कोरोनामुक्त भई डिस्चार्ज हुनेको सङ्ख्या ५६ हजार ४२८ पुगेको छ ।
आज काठमाडौं उपत्यकामा मात्र ९ सय २ जना नयाँ संक्रमित थपिएका छन । यी मध्ये काठमाडौं जिल्लामा मात्र ६ सय ९७, ललितपुरमा १ सय १२ र भक्तपुरमा ९३ जना नयाँ संक्रमित थपिएका छन ।
नेपालमा देशभर ५ हजार ७ सय २८ जना क्वारेन्टिनमा रहेका र २ सय १ जना आइसीयूमा रहेको जानकारी प्रवक्ता गौतमले दिनुभयो । यसैगरी देशभरमा जम्मा ३० जना भेन्टिलेटरमा उपचाररत छन ।
प्रतिकृया दिनुहोस्