बाढीपीडितका लागि सुदूरपश्चिम समाज दक्षिण कोरियाद्वारा प्रधानमन्त्री राहत कोषमा १
दक्षिण कोरिया — नेपालमा हालै आएको विनाशकारी बाढीबाट प्रभावितहरूका लागि सुदूरपश्चिम समाज दक्षिण कोरियाले प्रधानमन्त्री दैवी प्रकोप उद्धार कोषमा रु १,०१,१०० (एक लाख एक हजार एक सय) आर्थिक सहयोग हस्तान्तरण गरेको छ।
भदौ १० गते रसुवाको भोटेकोशी क्षेत्रमा आएको बाढीका कारण रसुवा, नुवाकोट, धादिङ, गोरखा, चितवन, तनहुँ र नवलपरासीलगायतका जिल्लामा पुगेको ठूलो जनधनको क्षतिप्रति समाजले गहिरो दुःख व्यक्त गरेको छ।
विज्ञप्तिमार्फत समाजले सार्वजनिक गरेका मुख्य बुँदाहरू:
मानवीय सहयोग: राष्ट्रिय विपद्को यस कठिन घडीमा पीडित नागरिकहरूको उद्धार, राहत र पुन:स्थापनामा थोरै भए पनि सहयोग पुगोस् भन्ने उद्देश्यले समाजले उक्त रकम राहत कोषमा जम्मा गरेको हो।
संवेदना तथा श्रद्धाञ्जली: बाढीमा परी ज्यान गुमाउनेहरू प्रति भावपूर्ण श्रद्धाञ्जली अर्पण गर्दै घाइतेहरूको शीघ्र स्वास्थ्य लाभको कामना र शोक सन्तप्त परिवारजनप्रति हार्दिक संवेदना व्यक्त गरिएको छ।
राज्यलाई आग्रह: प्रभावित क्षेत्रमा राहत र उद्धार कार्यलाई अझ तीव्र र प्रभावकारी बनाउन राज्यका सम्पूर्ण संयन्त्रहरूको उच्चतम प्रयोग गर्न समाजले नेपाल सरकारसँग अनुरोध गरेको छ।
सहयोगको अपिल: देश तथा विदेशमा रहेका सम्पूर्ण नेपालीहरूलाई आ-आफ्नो ठाउँबाट राहत तथा उद्धार कार्यमा सक्दो योगदान पुर्याउन समाजले हार्दिक अपिल गरेको छ।
विशुद्ध सामाजिक सेवाको उद्देश्यले स्थापित सुदूरपश्चिम समाज दक्षिण कोरियाले विगतदेखि नै देशमा पर्ने हरेक आपत्-विपत्मा अग्रसर भई मानवीय सहयोग गर्दै आएको छ। संस्थाका अध्यक्ष दिपेन्द्र रोकाया र महासचिव सुरेन गिरीद्वारा हस्ताक्षरित प्रेस विज्ञप्तिमार्फत उक्त जानकारी दिइएको हो
प्रतिक्रिया
