शुक्रबार सुनको मुल्यमा वृद्धि

काठमाडौं, नेपाली बजारमा आज सुनको मूल्य बढेको छ । शुक्रबार सुन प्रतितोला ४०० रुपैयाँले वृद्धि भएको हो । यसदिन छापावाला सुन प्रतितोला ९४ हजार ५०० रुपैयाँमा कारोबार भैरहेको छ ।

प्रतितोला ९४ हजार १०० रुपैयाँमा बिहीबार कारोबार भएको छापावाला सुन आज भने तोलामा ४०० रुपैयाँले उकालो लागेको नेपाल सुनचाँदी व्यवसायी महासङ्ले जनाएको छ ।

यस्तै तेजाबी सुन प्रतितोला रु ९४ हजारमा कारोवार हुने गरी मूल्य निर्धारण भएको छ । सो सुन बिहीबार तोलामा रु ९३ हजार ६०० मा कारोेवार भएको थियो ।

आज चाँदीको मूल्य भने आज पनि स्थिर छ । चाँदी प्रतितोला रु एक हजार ३०० मा कारोवार भएको छ ।