व्यवसायलाई प्रवाह गर्ने पुनर्कर्जा वितरण अन्तिम चरणमा, सबै भन्दा बढी माग होटल क्षेत्रबाट

काठमाडौं, विश्वव्यापी कोरोना महामारीबाट प्रभावित भएका उद्योग व्यवसायका लागि प्रवाह गर्न लागिएको पुनर्कर्जा वितरण अन्तिम चरणमा रहेको छ । पुनर्कर्जाका लागी सबै भन्दा बढी माग होटल क्षेत्रको रहेको छ ।

हालसम्म १ खर्ब १३ अर्बको पुनर्कर्जा माग आएको केन्द्रीय बैंकले जनाएको छ । चालु आर्थिक वर्षको मौद्रिक नीतिमा व्यवस्था भए बमोजिम कोरोनाबाट बढी प्रभावित क्षेत्रका लागी सहज ढंगबाट पुनर्कर्जा उपलब्ध गराउन केन्द्रीय बैंक यतिबेला प्राप्त निवेदनको मूल्याङ्क गरि स्वीकृत गर्ने चरणमा रहेको छ ।

आगामी मंसिर महिनामा ठूलो परिमाणमा पुनर्कर्जा प्रभाव हुने प्रक्रियामा रहेको केन्द्रीय बैंकले जनाएको छ । चालु आर्थिक बर्षमा हाल सम्म ५ अर्ब रुपैयाँ पुनर्कर्जा स्वीकृत भएको छ।