बलिउड अभिनेत्री ज्याकलिनसँग २०० करोड कालो धन
नयाँदिल्ली, चर्चित बलिउड अभिनेत्री ज्याकलिन फर्नाडिज २०० करोड भारतीय रुपैयाँद (कलोधन) प्रकरणमा अनुसन्धानको घेरामा रहेकी छिन् । हाल उनलाई बिदेश जान रोक लगाईएको छ ।
बिदेश जानको लागि बिमान स्थल पुगेकी उनलाई बिमान स्थलबाटै प्रहरीले फर्काईदिएको छ । दिल्ली प्रहरीको आर्थिक अपराध अनुसन्धान साखाका अनुसार उनी बिदेश गएको खन्डमा २०० करोड प्रकरणको अनुसन्धानमा आँच पुग्ने भएका कारण उनलाई बिदेश जानबाट रोकेको हो ।
भारतीय सञ्चारमाध्यमका अनुसार कालो धन प्रकरणको आरोपमा परेकी अभिनेत्री ज्याकलिनलाई दिल्ली प्रहरीले बयानको लागि बोलाएको छ । यदी यो प्रकरणमा अभिनेत्री ज्याकलिन दोषी देखिएमा उनलाई जेल सजाय हुने छ । जसका कारण बलिउडलाई ठुलो धक्का पुग्ने देखिन्छ ।
भारतीय नागरिक सुकेश चन्द्रशेख सहित केही व्यक्तिले २०० करोड घोटाला गरेको प्रहरीले जनाएको छ । सुकेश यस अघि पनि ठगी प्रकरणमा मुद्धा भोगिसकेका व्यक्ति हुन् । एजेन्सी
प्रतिकृया दिनुहोस्