काठमाडौं, सञ्चार कर्मबाट नेपाली लोक तथा दोहोरी गीत संगीतको सम्बर्द्धन तथा प्रवर्द्धनमा जुटिरहेका गायक तथा शर्जक शरण हुमागाईंको पछिल्लो लोक दोहोरी गीत “पबित्र मायामा” भर्खरै मात्र सार्वजनिक भएको छ ।
केहि समय अगाडी मात्रै उनको भिरैको खनायो बोलको गीत सार्वजनिक भएको थियो । उक्त गीतले धेरै श्रोता तथा दर्शकहरुको मन जिते पश्चात यो गीत सार्वजनिक भएको हो ।
कुनै पनि कलाकरलाई आफ्नो सिर्जना श्रोता तथा दर्शकले रुचाईदिए मात्र अर्को प्रस्तुति बजारमा ल्याउन उर्जा मिल्ने गर्दछ । संचारकर्मी, गायक तथा शर्जक शरणलाई पनि यसअघिका प्रस्तुतिमा सफलता प्राप्तीपछि यो गीत बजारमा आएको हो ।
“पबित्र मायामा” बोलको गीतमा शरण हुमागाईं र शाबित्री श्रेष्ठको सुमधुर स्वर रहेको छ । गीताई लय मच्छेस्वर सापकोटाले भरेका हुन् भने शब्द शरण हुमागाईंको नै रहेको छ । वियोगान्त स्वादमा तयार भएको यस गीतको म्युजिक भिडियोमा प्रकाश तामाङ्ग राज, अनु पराजुली र युबक कार्कीको अभिनय देख्न सकिन्छ ।
भिडियोलाई निर्देशन मोडल स्वयम् प्रकाश तामाङ्ग राजले गरेका हुन् भने छायांकन मरुभूमि नारायण र सम्पादन रोशन धितालले गरेका छन् । प्रस्तुत गीतलाई शरण हुमागाईं नामको युट्युब च्यानल मार्फत सार्बजनिक गरिएको छ ।
प्रतिक्रिया
