December 9, 2023, Saturday
२०८० मंसिर २३, शनिबार

हत्या आरोपीत भण्डारीले लेखे काठमाडौंको अन्य ठाउँमा पनि हत्या गरेको छु

आरोपमा भदौ ३१ मा पक्राउ गरिएका संजय भण्डारीले काठमाडौँमा अन्य दुई ठाउँमा हत्या गरेको बताएका छन् ।काठमाडौंको गैह्रीगाउँस्थित दिव्या स: मिलमा ४ जनाको हत्यामा संलग्न आरोपीत भण्डारीलेले अन्यत्र पनि हत्या गरेको दाबी गरे ।

उनले भदौ २९ मा राति सः मिलमा नवीन राई, कुमार भुजेल, शुभद्रा भुजेल र अम्बिका भुजेलको हत्या गरेको आरोप छ । सिन्धुपाल्चोकको बाह्रबिसे घर भएका संजय जन्मजात नै बोल्न सक्दैन थिए । फरक क्षमता भएका संजयलाई प्रहरीले दोभाषेको सहयोगमा लेख्न लगाएर सोधपुछ गरिरहेको छ ।

सोधपुछ गर्दा उनले नक्सालस्थित भाटभटेनी, धुम्बाराही र रातोपुलमा पनि हत्या गरेको बताएपछि अनुसन्धान अधिकृतहरु चकित भएका छन् । संजय ‘सिरियल किलर’ हुनसक्ने आशंकामा जिल्ला प्रहरी परिसर काठमाडौँले उनले दाबी गरेका घटनाहरुबारे पनि अनुसन्धान थालेको छ ।

जिल्ला प्रहरी परिसर काठमाडौँका एसपी कुमोध ढुंगेलले आरोपीतलाई लगेर भाटभटेनी र रातोपुलको घटनास्थल निरीक्षण गरेका छन् । अनुसन्धान अधिकृतहरुले उनले दाबी गरेका कुराहरु पुष्टि गर्ने प्रयास गरिरहेका छन् । हत्या गरेको दाबी गरेपनि उनले मिति स्पष्ट भन्न सकेका छैनन् । अनुसन्धानमा संलग्न एकजना अधिकृत भन्छन्,‘उनले भनेका कुरा सत्य हुन वा हैनन् भन्नेबारे हामी पुष्टि गर्ने प्रयासमा छौँ ।’

नक्सालमा ब्रेल लिपिको माध्यमबाट उनले १२ कक्षासम्म पढेका छन् । बालमन्दिरमा पढ्न जाँदा उनी पैदल हिँडेर काँडाघारीस्थित दिदी–भिनाजुको घरबाट आउजाउ गर्थे । एकजना व्यक्तिसँग १३ हजार लिनुपर्ने तर, नदिएपछि हत्या गरेको उनले अनुसन्धान अधिकृतहरुसँग दाबी गरेका छन् ।

पक्राउ परेको दिन उनले लेखेका थिए,‘आई किल्ड फोर पिपुल ।’ उनी नेपाली र अंग्रेजीमा लेखेर प्रहरीले भाषा सहयोगीमार्फत सोधेका प्रश्नको जवाफ फर्काउँछन् ।काठमाडौँको गैह्रीगाउँस्थित दिव्या स:मिलमा ४ जनाको हत्यामा संलग्न आरोपितलाई प्रहरीले क्लोज सर्किट टेलिभिजन (सीसीटिभी) क्यामेराको सहयोगमा पक्राउ गरेको थियाे । सःमिलमा नविन राई, कुमार भुजेल, शुभद्रा भुजेल र अम्बिका भुजेलको हत्यापछि हत्यामा संलग्न आरोपित झोलामा खुकुरी हालेर निस्केका थिए ।काठ मिल पछाडिबाट पर्खाल नाघेर निस्केपछि उनी मुल सडकको किनारा हुँदै कोटेश्वरतर्फ भागेका थिए ।

शीर्ष समाचार

धेरै पढिएको