गैँडाको खाग तस्करीमा फरार रहेका एक प्रतिवादी पक्राउ
चितवन, चितवन राष्ट्रिय निकुञ्जले गैँडा तस्करी गरेको अभियोगमा सजाय पाएर फरार रहेका एक जनालाई पक्राउ गरेको छ । उनलाई यही जेठ ७ गते पक्राउ गरिएको हो भन्र प्रजालाई तनहुँको व्यास नगरपालिका–११ घाँसीकुवाको ठुलेचौर भन्ने ठाउँबाट पक्राउ गरिएको हो ।
पक्राउ पर्नेमा चितवनको तत्कालीन सिद्धि गाविस–३ (हाल कालिका नगरपालिका) बस्ने बिन्द्रसिंह भन्ने सागर प्रजा रहेका छन् ।
उनले विसं २०६७ चैत २७ गते धोवाहा रतनी घाटमा भाले गैँडालाई गोली हानी खाग तस्करी गरेको अभियोगमा विशेष अदालतले १५ वर्ष कैद र रु एक लाख जरिवाना तोकेको थियो ।
निकुञ्जका सूचना अधिकारी लोकेन्द्र अधिकारीका अनुसार उनलाई गैँडा तस्करीसँगै चोरी शिकारीमा संलग्न तीन मुद्दामा दोषी ठहर भई फरार रहेको अवस्थामा पक्राउ गरिएको हो ।
चालु आर्थिक वर्षमा चार फरार प्रतिवादीलाई पक्राउ गरिएको उनले बताए । उनलाई अदालतले विसं २०७४ फागुन १५ गते सो फैसला सुनाएको थियो ।
प्रतिकृया दिनुहोस्