८ लाख ऋण दिएर ७५ लाख असुल्न खोज्दा रंगेली रेडक्रसका सभापति मण्डल पक्राउ
मोरङ, वमोरङको रंगेली रेडक्रस सोसाइटीको सभापति विनोद मण्डल मिटर व्याजमार्फत ठगी गरेको आरोपमा पक्राउ परेका छन् । आठ लाख रूपैयाँ ऋण दिएर ७५ लाख रूपैयाँ असुल्न खोज्दा उनलाई आइतबार रंगेली बजारबाट प्रहरीले पक्राउ गरेको हो ।
रंगेली नगरपालिका ६ मधुवनी घर भएका ५५ वर्षीय मण्डल गैर कानूनी मिटर ब्याज असुलीको आरोपमा पक्राउ परेका हुन् । ठगी मुद्दामा प्रहरीले पाँच दिनको म्याद थप गरि उनको बारेमा अनुसन्धान गरिरहेको छ ।
हालसम्म एक जनाबाट ठगीमा परेको उजुरी आएको छ भने पक्राउ परेका मण्डलबाट अरु पनि ठगीमा परेको हुनसक्ने भएको भन्दै प्रहरीले अनुसन्धान गरिरहेको छ ।
मण्डलले रंगेली ५ का श्याम नारयण मण्डललाई चार वर्षयतादेखि विभिन्न मितिमा जग्गा धितोमा राखेर ८ लाख रुपैयाँ ऋण दिएका थिए ।
तर ऋण चुक्ता गर्दा पनि ७५ लाख रुपैयाँ माग गरेर जग्गा फिर्ता नगरेपछि प्रहरीले पक्राउ गरेको हो । मोरङ प्रहरीले पछिल्लो मिटर व्याजमा संलग्नलाई धमाधम पक्राउ गरिरहेको छ ।
प्रतिकृया दिनुहोस्