रामेछापको मच्छेडाँडीमा यात्रुबाहक बस दुर्घटना हुँदा ९ जना घाइते
रामेछाप, रामेछापको मन्थली नगरपालिका मच्छेडाँडीमा यात्रुबाहक बस दुर्घटना भएको छ । आज बिहान मच्छेडाँडीमा उक्त यात्रुबाहक बस दुर्घटना हुँदा ९ जना घाइते भएका छन् ।
रामेछापको सालुबाट मन्थलीतर्फ आउँदै गरेको बा५ख २८५७ नम्बरको बस दुर्घटना भएको जिल्ला प्रहरी कार्यालय रामेछापले जानकारी दिएको छ ।
घाइतेहरु सबैको उद्धार गरी तामाकोशी अस्पतालमा उपचार भइरहेको रामेछापका ट्राफिक प्रमुख रामेश्वर पाण्डेले जानकारी दिएका छन् भने सो दुर्घटनाको कारणबारे थप अनुसन्धान भइरहेको पाण्डेले बताए ।
प्रतिकृया दिनुहोस्