नयाँदिल्ली, भारतमा पछिल्लो चौबीस घण्टामा एक लाख ८६ हजार ३६४ जनामा कोरोना संक्रमण पुष्टि भएको छ । योसँगै भारतमा कोरोना सङ्क्रमितको संख्या दुई करोड ७५ लाख ५५ हजार ४५७ पुगेको छ ।
भारतको केन्द्रीय स्वास्थ्य तथा जनकल्याण मन्त्रालयका अनुसार शुक्रबार थपिएका सङ्क्रमित गत् अप्रिल १४ यताकै सबैभन्दा कम हो । यस साता दोस्रो पटक भारतमा चौबीस घण्टामा दुई लाखभन्दा कम सङ्क्रमित पुष्टि भएको छ ।
यस्तै भारतमा कोरोना सङ्क्रमणबाट हुने मृत्युको संख्या भने अझै स्थिर रहेको छ । पछिल्लो चौबीस घण्टामा तीन हजार ६६० सङ्क्रमितको मृत्यु भएको छ । हालसम्म तीन लाख १८ हजार ८९५ जना सङ्क्रमितको मृत्यु भएको हो ।एजेन्सी
प्रतिक्रिया
